Դրամաշնորհային ծրագրերի մրցույթ. Աջակցություն մեդիա արտադրությանը
Եվրասիա համագործակցություն հիմնադրամը (ԵՀՀ) և Մեդիա նախաձեռնությունների կենտրոնը (ՄՆԿ) «Մեդիան քաղաքացիների տեղեկացված մասնակցության համար» ծրագրի շրջանակում հայտարարում են «Աջակցություն մեդիա արտադրությանը» դրամաշնորհային մրցույթ հայաստանյան լրատվամիջոցների համար:
Համաճարակի և պատերազմի տնտեսական հետևանքների հաղթահարումը առաջիկա ամիսներին կարևոր փորձություն է Հայաստանի համար։ Հաշվի առնելով խնդրի առաջնահերթությունը, ինչպես նաև՝ մեդիայի դերը կոնկրետ թեմաների շուրջ հանրային քննարկում և ուշադրություն ծավալելու հարցում, այս դրամաշնորհը հայտարարվում է տնտեսական թեմայով մեդիա նախագծերի համար։
Մրցույթի թիրախում տնտեսական ոլորտին առնչվող խնդիրները, մարտահրավերները, հնարավորությունները և հեռանկարներն են։ Չնայած դեռ դժվար է գնահատել պատերազմի և համաճարակի ամբողջական ազդեցությունը Հայաստանի տնտեսության վրա, սակայն կարևոր է վերհանել և վերլուծել այդ խնդիրները, փնտրել և առաջարկել հնարավոր լուծումներ՝ հանրության համար մատչելի մատուցմամբ և որակյալ բովանդակությամբ։ Դա ենթադրում է փաստերի վրա հիմնված, բազմակողմանի, հավասարակշռված, մասնագիտական չափանիշներին համապատասխանող, էթիկայի հիմունքներին հետևող բազմաժանր, նորարար մեդիա արտադրանք։
Դիմորդները ազատ են իրենց նախագծի համար ընտրել ցանկացած ժանր և ձևաչափ՝ տեղեկատվական հոդված, վերլուծական և բացատրական նյութ, թոք-շոու, բանավեճ, ֆիլմ, մուլտիմեդիա ժանրեր և այլն։ Խրախուսվում են նորարարական և ստեղծագործ մոտեցումները, ժամանակակից տեղեկատվական տեխնոլոգիաների գործիքների օգտագործումը (ICT tools) նյութը լսարանի համար ավելի պարզ և գրավիչ դարձնելու նպատակով։
Մրցույթին դիմելու կարգը
Մեդիա կազմակերպություններին տրամադրվող մեկ դրամաշնորհի չափը կկազմի 3,000,000-10,000,000 ՀՀ դրամ։
Հայտատու կազմակերպությունից ակնկալվում է առնվազն 15% համաֆինանսավորում ծրագրին` դրամական և/կամ ոչ դրամական միջոցներով։
ԱՄՆ կառավարությունից ստացած այլ դրամաշնորհները կամ միջոցները չեն դիտարկվի որպես համաֆինանսավորում:
Հայտերի գնահատման և ընտրության չափանիշները
ԵՀՀ-ին ներկայացված հայտերը ընտրության նախնական փուլ կանցնեն ծրագրային թիմի կողմից՝ մրցույթին չհամապատասխանող առաջարկները բացառելու համար։ Այնուհետև հայտերը կներկայացվեն փորձագիտական հանձնաժողովին և կգնահատվեն ըստ հետևյալ չափանիշների․
|
№ |
Չափանիշ |
Միավոր |
|
1 |
Ծրագրի կարևորությունը և արդիականությունը |
25 |
|
2 |
Մեդիա արտադրանքների տնտեսական վերլուծության առկայություն |
15 |
|
3 |
Ներկայացված ծրագրի նորարարությունը, նոր մեդիա գործիքների և մուլտիմեդիա ժանրերի կիրառումը |
20 |
|
4 |
Ծրագրի ազդեցության հավանականությունը |
20 |
|
5 |
Ծրագրի բյուջեի և նպատակների համապատասխանությունը |
20 |
Նախընտրություն կտրվի այն առաջարկներին, որոնք նպատակ կունենան առավել խորությամբ և բազմակողմանի բացահայտել ընտրված թեմաները, կլրացնեն տեղեկատվական բացերը, կպարունակեն նոր տեղեկություններ և բացահայտումներ, կառաջարկեն բովանդակային նորարար լուծումներ։
Դրամաշնորհի տևողությունը
Դրամաշնորհային ծրագրերի իրականացման համար նախատեսված ժամկետը մինչև 4 ամիս է։ Ծրագրի իրականացման ընթացքում Մեդիա նախաձեռնությունների կենտրոնը և Եվրասիա համագործակցություն հիմնադրամը կտրամադրեն խորհրդատվություն բովանդակային և տեխնիկական հարցերով։
Մրցույթին դիմելու վերջնաժամկետը և անհրաժեշտ փաստաթղթերը
Մրցույթին դիմելու վերջնաժամկետը 2021 թվականի հունվարի 30-ն է։ Ծրագրին մասնակցելու համար հայտատուները պետք է լրացնեն ստորև ներկայացված փաստաթղթերը և ներկայացնեն ԵՀՀ՝ էլեկտրոնային տարբերակով․
Մեդիա կազմակերպությունների հայտադիմումների անհրաժեշտ փաստաթղթերը կարող եք տեսնել օնլայն՝ այս հղումով։ Ամբողջական հայտադիմումի փաթեթը պետք է ներառի հետևյալ փաստաթղթերը՝
- Տիտղոսաթերթ (Annex 1)
- Հայտադիմում (Annex 2)
- Գանտի աղյուսակ (Annex 3)
- Ծրագրային բյուջեն ներկայացված ձևաչափով և բյուջեի նկարագիրը (Annex 4)
- Տրամաբանական աղյուսակ (Annex 5)
- Դրամաշնորհների կառավարման հարցաթերթիկ (GMQ form) (Annex 6)
Հայտերը պիտի ուղարկվեն ՄՔՏՄ ծրագրի ղեկավար Ջուլյա Սահակյանին՝ [email protected] էլ․ հասցեով՝ էլեկտրոնային նամակի վերնագրում (subject line) նշելով “MICE_SMP_Economic Grants_Competition”:
Նախամրցութային սեմինար
Աջակցություն մեդիա արտադրությանը դրամաշնորհային ծրագրի մրցույթի շրջանակներում կկազմակերպվի նախամրցութային սեմինար, որը տեղի կունենա հունվարի 11-ին, առցանց, ժամը 14:00-15:00։ Տեղեկատվական հանդիպմանը միանալու համար խնդրում ենք նախօրոք գրանցվել՝ ուղարկելով նամակ [email protected] էլեկտրոնային հասցեին նամակի վերնագրում (subject line) նշելով «Մեդիա դրամաշնորհի տեղեկատվական հանդիպում»։ Խնդրում ենք գրանցվել մինչև հունվարի 10-ը։ Գրանցված մասնակիցներին կուղարկվի հանդիպմանը միանալու հղումը։
Մանրամասների համար կարող եք դիմել Եվրասիա համագործակցություն հիմնադրամ, ծրագրի ղեկավար Ջուլյա Սահակյանին՝ հեռ. +37410 251575, +37491 374320, էլ. [email protected]:
Մրցույթն անցկացվում է Ամերիկայի ժողովրդի աջակցությամբ՝ ԱՄՆ Միջազգային զարգացման գործակալության միջոցով իրականացվող «Մեդիան քաղաքացիների տեղեկացված մասնակցության համար» ծրագրի շրջանակում:
Ծրագիրը իրականացնում է Մեդիա նախաձեռնությունների կենտրոնը Եվրասիա համագործակցություն հիմնադրամի հետ համատեղ։