ԵՀՀ Մարդու իրավունքների ծրագրի տնօրեն Իզաբելլա Սարգսյանը Բուն ԹիՎիի եթերում ԺԱՏԿ նախագահ Տիգրան Գրիգորյանի հետ քննարկում է հայաստանյան քաղաքացիական հասարակության, դրա վերաբերյալ ձևավորված ընկալումների, վերջին ժամանակներում արձանագրված խնդիրների և միտումների մասին։ Հարցազրույցը հասանելի է ստորև։
Արձակագիր, Եվրասիա համագործակցություն հիմնադրամի տնօրեն Գևորգ Տեր-Գաբրիելյանը Բուն ԹիՎիի եթերում խոսում է գրականության և բարոյականության կապի, էթիկական նորմերի վրա դրա ազդեցության և հարակից այլ թեմաների մասին։
Մշակութային մարդաբաններ Աղասի Թադևոսյանը և Նիկոլ Մարգարյանը խոսում են իրենց նոր համատեղ՝ «Ինչպես են մարդիկ սովորում» անհատական փորձառությունների վրա հիմնված մարդաբանական հետազոտության մասին։
Ի՞նչն է առավելապես գրավիչ դարձնում Մկրտիչ Արմենի «Երևան» վեպը ընթերցողի համար՝ լեզո՞ւն, պատկերնե՞րը, պատմությո՞ւնը, թե՞ տարածքը, որի մասին գրվել է վեպը։ Արդյո՞ք նորարարական է վեպի լեզուն, ինչո՞վ էր առանձնահատուկ ժամանակի գեղարվեստական արևելահայերենն առհասարակ։ Ի՞նչ զուգահեռներ կան «Երևան» վեպի և Կաֆկայի «Դատավարության» միջև։
Երկխոսությունն առանցքային նշանակություն ունի մարդու իրավունքների պաշտպանության և խթանման պատշաճ համակարգ ունենալու տեսանկյունից. Մարդու իրավունքների պաշտպան Անահիտ Մանասյանը հունիսի 17-ին մասնակցել է «Քաղաքացիական հասարակության ներգրավումը Հայաստանի բարեփոխումների օրակարգում» թեմայով համաժողովին և հանդես եկել ողջույնի խոսքով։ Այդ մասին տեղեկացնում են Պաշտպանի գրասենյակից:
Հայաստանի հանրային հեռուստատեսության լրատվական ալիքն անդրադարձել է հունիսի 7-9-ը Եվրասիա համագործակցություն հիմնադրամի գրասենյակում տեղի ունեցած Քննադատական մտածողության դպրոցին։ Այս տեսանյութում դպրոցի կազմակերպիչները խոսում են դպրոցի բովանդակության, մեթոդաբանության, գրանցած արդյունքների մասին։