Գործարար ալիքի եթերում ԵՀՀ տնօրեն, արձակագիր Գևորգ Տեր-Գաբրիելյանը խոսում է անհատի և հասարակության փոխհարաբերությունների, դիսկուրսներում նրա կողմնորոշվելու և քննադատական մտածողության սովորելու հնարավորությունների մասին։ Զրույցը հասանելի է ստորև։
ԵՀՀ տնօրեն, արձակագիր Գևորգ Տեր-Գաբրիելյանը խոսում է Խորհրդային միության և ցարական Ռուսաստանի ազդեցության, «գործ տալու» երևույթի, ոստիկանության դերի ու դրա հետևանքների մասին։ Զրույցի ընթացքում փորձ է արվում հասկանալ, թե ինչպես է հայ տղամարդու ինքնությունը ձևավորվում քրեական ենթամշակույթի, քաղաքականության և հասարակության ակնկալիքների ազդեցության ներքո։
Արձակագիր Գևորգ Տեր-Գաբրիելյանը խոսում է Հայաստանում ֆանտաստիկ գրականության զարգացման հնարավորությունների, գիտական ֆանտաստիկայի և ֆենթզի ժանրի տարբերությունների, Հայաստանում ֆենթզի շարժման մասին։
Եվրասիա համագործակցություն հիմնադրամի Մարդու իրավունքների ծրագրի տնօրեն Իզաբելլա Սարգսյանը Հայաստանի հանրային ռադիոյի «Ձեր փաստաբանը» հաղորդաշարի շրջանակներում խոսում է հասարակական կազմակերպությունների էության մասին՝ կենտրոնանալով դրանց վերահսկողական և հարակից մյուս գործառույթների վրա։
Factor.am-ի Ա-պոլիտիկ հաղորդաշարի՝ 2024 թվականի վեջին թողարկման ընթացքում արձակագիր, ԵՀՀ տնօրեն Գևորգ Տեր-Գաբրիելյանը Արամ Աբրահամյանի հետ զրուցում է լեզվի, տարվա բառերի, դրանց առաջնային և երկրորդային նշանակությունների մասին։ Տեր-Գաբրիելյանն անդրադառնում է նաև այն համակարգային խնդիրներին, որոնց ազդեցությամբ արձանագրվում են այս կամ այն բառի իմաստային փոփոխությունները։
Ընտանեկան կյանքի, փոխհարաբերությունների դժվարությունների, տրավմաների ու սիրո մասին է հոգեթերապևտ Ջուլյա Սամուելի «Ամեն ընտանիք իր պատմությունն ունի» գիրքը։ Թարգմանության հեղինակ, արձակագիր Սամվել Խաչատրյանի բնորոշմամբ՝ հեղինակը հոգեվերլուծության մեջ համարվում է «սգի մասնագետ»։ Ուսումնասիրելով ընտանիքներում վիշտն ու տրավմաները, նա խոսում է այն մասին, որ տրավմաները կարող են սերնդե սերունդ փոխանցվել և ընտանիքի տարբեր անդամների մոտ դրսևորվել յուրովի։