Բնապահպանության ոլորտում գործող ՔՀԿ-ներին հրավիրում ենք մասնակցելու կարողությունների զարգացման եռօրյա դասընթացի

bridge logo EU Flag AGBU logo  EPF logo

 

Հայկական բարեգործական ընդհանուր միությունը և

 

Եվրասիա համագործակցություն հիմնադրամը

 հրավիրում են

Բնապահպանության ոլորտում գործող ՔՀԿ-ներին մասնակցել

կարողությունների զարգացման եռօրյա դասընթացի

 

Փետրվարի 13-15, 2019 թ.

 

Բնապահպանության ոլորտում գործող ՔՀԿ-ների համար դասընթաց

 

Եռօրյա դասընթացը նախատեսված է բնապահպանության ոլորտում աշխատող ՔՀԿ-ների ղեկավարների համար, կներկայացվեն Հայաստանի Հանրապետությունում իրականացվող բնապահպանական քաղաքականությունը, ոլորտում իրականացվող բարեփոխումները, միջազգային կոնվենցիաների, պայմանագրերի, ինչպես նաև գործող կառույցների և առկա մարտահրավերների՝ կապված ջրային ավազանների, մթնոլորտի, ընդերքի, կենսաբազմազանության և այլ հիմնախնդիրների մասին ներկա իրավիճակը։

 

Դասընթացի ընթացքում փորձագետները կներկայացնեն էկոտուրիզմի, ինչպես նաև կանաչ գյուղատնտեսության և կիրառվող նոր տեխնոլոգիաների, բնապահպանական  կրթության և բիոէթիկայի մասին։   

 

Դիմորդները պետք է՝

 

  • Լինեն գրանցված ՔՀԿ-ի ներկայացուցիչ
  • Ունենան բնապահպանության ոլորտում մասնագիտական փորձառություն և/կամ կրթություն
  • Հասկանան կազմակերպության կարիքները կարողությունների զարգացման համար և մոտիվացված լինեն այդ կարիքները լրացնելու համար:

 

Ինչպես դիմել՝

 

Դիմում փաթեթները պետք է ուղարկել հետևյալ էլեկտրոնային հասցեին՝ [email protected]  

Նամակի առարկան պետք է նշել՝ “Environment CSOs Training”: (ձեր կազմակերպության անվանումը անգլերենով կամ լատինատառ)

Փաթեթի ներկայացման վերջնաժամկետն է՝ 2019 թ. փետրվարի 5, ժամը 17: 00:

 

Տեխնիկական տեղեկատվություն

 

  • Մասնակիցների թիվը սահմանափակ է՝ 20 մասնակից: Մասնակիցները կընտրվեն ՔՀ Կամուրջ ծրագրի  աշխատակիցների կողմից:
  • Դասընթացին մասնակցությունը անվճար է։
  • Կազմակերպիչները կփոխհատուցեն ՀՀ շրջաններից ընտրված մասնակիցների տրանսպորտային, սննդի ու կացության ծախսերը։
  • Դասընթացը կանցկացվի հայերեն լեզվով: 
  • Նախնական ընտրված դիմորդները կտեղեկացվեն 2019 թվականի փետրվարի 8-ին։
  • Նախնական ընտրված դիմորդները պետք է կարողանան մասնակցել սեմինարի բոլոր 3 օրերին:
  • Նախնական ընտրված դիմորդները պետք է համաձայնվեն մասնակցել սեմինարի գիտելիքների նախնական և հետդասընթացային գնահատումներին:
  • Մասնակցության համար լրացրեք հետևյալ հայտադիմումի ձևը՝ հայտադիմումի ձևը

 

Հարցերի և պարզաբանումների համար խնդրում ենք զանգահարել ԵՀՀ ծրագրի ղեկավար` Փիրուզե Մանուկյանին, հեռ. 091-23-73-80:

 

ՔՀ Կամուրջ ծրագրի մասին

 

Հայկական Բարեգործական Ընդհանուր Միությունը (ՀԲԸՄ) Եվրասիա համագործակցություն հիմնադրամի (ԵՀՀ) հետ իրականացնում է Եվրոպական միության կողմից ֆինանսավորվող ՔՀ Կամուրջ ծրագիրը: Եռամյա այս ծրագիրը մեկնարկել է 2016 թվականի դեկտեմբերին: Ծրագիրն ուղղված է Հայաստանում գրանցված և գործող հասարակական կազմակերպություններին, հայաստանյան համալսարաններին, ինչպես նաև սփյուռքի երիտասարդ մասնագետներին, ովքեր իրենց գիտելիքներով և փորձառությամբ կցանկանան նպաստել հայաստանյան կազմակերպությունների կարողությունների զարգացմանը:

Ծրագրի նպատակն է ամրապնդել հայաստանյան քաղաքացիական հասարակության կարողությունները` նպաստելու Հայաստանում որոշումների կայացման գործընթացներին: Այս նպատակին հասնելու համար, ծրագիրը նախատեսում է`

 

  • Կատարել մինչև 200 ՔՀԿ-ների մասնագիտական ոլորտներին առնչվող (ուղղահայաց) կարիքների գնահատում՝ քարտեզագրելով ՔՀԿ-ների կարողությունները և կարիքները։
  • Առաջարկել մինչև 80 ՔՀԿ-ներից 200 անձանց անհատական վերապատրաստման դասընթացներ։
  • Ապահովել մասնագիտական խորհրդատվություն մինչև 80 ՔՀԿ-ների՝ անվճար հիմունքներով հրավիրելով մասնագետներ սփյուռքից և Հայաստանից։
  • Ինստիտուցիոնալացնել կարողությունների հզորացումը՝ գործարկելով ՀԿ կառավարման ակադեմիական հավաստագրային ծրագիր։
  • Տրամադրել դրամաշնորհներ՝ ՔՀԿ-ների փոքր նախագծերը իրականացնելու նպատակով։
  • Together4armenia առցանց հարթակի զարգացում:

 

Մանրամասն ծրագրի մասին՝ այստեղ:  Ծրագրի ՔՀԿ-ների ցանցում գրանցվելու համար ահա հղումները՝ www.agbu.am/am/bridge-for-csos/3024-bridge-for-csos-announcement-for-registration.

Ավելին