Ս. թ. ապրիլի 8-ին, ժամը 11:00 «Կոնգրես» հյուրանոցի Մեծ սրահում կկայանա խտրականության արգելման օրենսդրության հարցերին առնչվող մամուլի ասուլիս: Ասուլիսը կազմակերպում է Եվրասիա համագործակցություն հիմնադրամը (ԵՀՀ)։
Եվրասիա համագործակցություն հիմնադրամը հրավիրում է քաղաքացիական հասարակության կազմակերպությունների կարողությունների զարգացման ոլորտում մասնագիտացած փորձագետներին և հետազոտողներին հետազոտություն իրականացնել միջազգային և տեղական հասարակական կազմակերպությունների կայունության մոդելների ուսումնասիրության նպատակով:
Ս. թ. հունվարի 30-ին, ժամը 11-ին ԵՀՀ գրասենյակում (ք. Երևան, Ազատության պող. 1/21, բն. 22) տեղի կունենա կրոնական հանդուրժողականության թեմայով լավագույն լրագրողական նյութերի մրցանակաբաշխությունը։ Մրցույթը կազմակերպվել է ԵՀՀ կողմից «Կրոնական հանդուրժողականության խթանումը Հայաստանում» ծրագրի շրջանակում։
Դեկտեմբերի 2-ին Հայաստանի ֆինանսիստների միավորումը, Տեղեկատվական համակարգերի զարգացման և վերապատրաստման կենտրոնի, Երևանի մամուլի ակումբի, Ժուռնալիստների «Ասպարեզ» ակումբի, Եվրասիա համագործակցություն հիմնադրամի և Հետազոտական ռեսուրսների կովկասյան կենտրոն - Հայսատանի հետ համատեղ արձանագրեցին «Հանրային մասնակցություն տեղական ինքնակառավարմանը» (ՀաՄաՏեղ) ծրագրի պաշտոնական մեկնարկը: ԱՄՆ Միջազգային զարգացման գործակալության ֆինանսավորմամբ իրականացվող այս հնգամյա ծրագրի նպատակն է բարձրացնել տեղական ինքնակառավարման և ապակենտրոնացման բարեփոխումների գործընթացում հանրային մասնակցության աստիճանը ։
Երևան, ՀՀ - Ս. թ. նոյեմբերի 11-ին, ժամը 9։30-18։00 «Կոնգրես» հյուրանոցի Մեծ սրահում կկայանա խտրականության արգելման վերաբերյալ համաժողով։ Համաժողովը կազմակերպում է Եվրասիա համագործակցություն հիմնադրամը (ԵՀՀ) Նիդերլանդների Թագավորության կառավարության աջակցությամբ։