Ցուցահանդեսն արտացոլում է Հայաստանի և Թուրքիայի մի խումբ փորձագետների ջանքերը՝ պահպանելու հնագույն Անի քաղաքի և շրջակայքի ճարտարապետական ժառանգությունը։ Անի քաղաքը 2016թ. ընդգրկվել է ՅՈՒՆԵՍԿՕ-ի Համաշխարհային ժառանգության ցանկում։
Միջոցառումը հյուրընկալում են Թուրքիայում գործող «Անադոլու քյուլթուր»-ը և Հայաստանում գործող Եվրասիա համագործակցություն հիմնադրամը։ Այս ցուցահանդեսն իրականացվում է «Անադոլու քյուլթուր»-ի, Եվրասիա համագործակցություն հիմնադրամի և Նորվեգիայի Մշակութային ժառանգության հետազոտությունների ինստիտուտի (NIKU) համագործակցությամբ։ Ցուցահանդեսի թե՛ նախապատրաստական, թե՛ արտադրական փուլում ներգրավվել և համատեղ աշխատել են լուսանկարիչներ և փորձագետներ Հայաստանից և Թուրքիայից։
«Անադոլու քյուլթուր»-ը և «Ոսկե ծիրան» կինոյի զարգացման հիմնադրամը 2009 թվականին ստեղծել են Հայաստան-Թուրքիա կինոպլատֆորմը՝ որպես առաջին մշակութային ցանց Հայաստանի և Թուրքիայի միջև։ Կինոպլատֆորմը նպատակ ունի զարգացնել երկու հասարակությունների միջև սերտ հարաբերություններ՝ խթանելով Հայաստանի, Թուրքիայի և Սփյուռքի կինոգործիչների շրջանում համագործակցությունը և համատեղ ֆիլմերի արտադրությունը։
Նորարարության խրախուսման փոքր դրամաշնորհի այս հայտարարությունը տարածվում է Հայկական բարեգործական ընդհանուր միության կողմից, Եվրասիա համագործակցություն հիմնադրամի հետ համագործակցությամբ և Եվրոպական միության ֆինանսավորմամբ իրականացվող ՔՀ Կամուրջ ծրագրի շրջանակներում: Գործողության ընդհանուր խնդիրն է՝ հայաստանյան քաղաքացիական հասարակության մոտ ձևավորել Հայաստանում որոշումների կայացման գործընթացներում արդյունավետ ներդրում ունենալու կարողություն և ամրապնդել այդ կարողությունը: Հատուկ նպատակն է՝ բարելավել ՔՀԿ-ների կազմակերպական կարողությունները՝ քաղաքացիների կարիքներին ավելի լավ արձագանքելու գործում:
Եվրասիա համագործակցություն հիմնադրամը (ԵՀՀ) հրավիրում է 18-30 տարեկան երիտասարդներին մասնակցելու իր կողմից պարբերաբար կազմակերպվող կոնֆլիկտների տրանսֆորմացիայի հերթական դպրոցին, որը տեղի կունենա ս.թ. հուլիսի 18-ից 21-ը ԵՀՀ գրասենյակում, Երևան, Ազատության 1/21 բն. 22։ Դասընթացի հիմքում դրված են քննադատական մտածողության և կոնֆլիկտների տրանսֆորմացիայի մոտեցումները։
Դպրոցի մասնակիցները կծանոթանան կոնֆլիկտների տրանսֆորմացիայի մեթոդաբանությանը, կզարգացնեն իրենց քննադատական մտածողությունը և ձեռք կբերեն խաղաղարարության որոշակի փորձ։
Եվրասիա համագործակցություն հիմնադրամը և Գորիսի մամուլի ակումբը հրավիրում են ձեզ դիմելու ՀԿ կառավարման դպրոցին՝ “Հաշվետու և կայուն ՔՀԿ-ներ” թեմայով, քննարկելու ՀԿ քաղաքականությունների դերը՝ թափանցիկ և կայուն գործունեության համար:
ՀԿ դպրոցի նպատակն է ուժեղացնել ՔՀԿ-ի ներքին կարողությունները՝ իրենց աշխատակարգերը կանոնավորելու, թափանցիկ և վստահելի աշխատելաոճ զարգացնելու և դոնորների հետ արդյունավետ հարաբերություններ կառուցելու համար:
Եվրասիա համագործակցություն հիմնադրամը (ԵՀՀ) հրավիրում է մարդու իրավունքների ոլորտում գործունեություն ծավալող մարզային ՀԿ-ներին և ակտիվիստներին դիմելու ՄԱԿ-ի պայմանագրային մարմիններ զեկույցների ներկայացման վերաբերյալ դասընթացին մասնակցելու համար։ Դասընթացը տեղի կունենա Երևանում, ԵՀՀ գրասենյակում ս․թ․ հուլիսի 9-10։ Դասընթացի օրակարգը հասանելի է այստեղ։ Մասնակցության հետ կապված բոլոր ծախսերը (ճանապարհածախս, գիշերակաց, սնունդ) հոգում է ԵՀՀ-ն։