Զրույցը առաջին անգամ հրապարակվել է Բուն TV-ի կողմից։

Բուն TV-ի «Լեզու և հաղորդակցություն» շարքի հերթական զրույցը աշխարհում տվյալների վերլուծության մեթոդների, դրա միջոցով ապագայի ճիշտ կանխագուշակման-պլանավորման, Հայաստանում տվյալների հավաքագրման և վերլուծության մեխանիզմների ինստիտուցիոնալ բացերի մասին է։ Զրույցը վարում են Մարինա Մխիթարյանն ու Արթուր Պապյանը։ 

«Հայաստանում հասանելի է տվյալների հսկայական քանակ: Հետազոտություններ կատարելիս հեշտությամբ կարելի է ձեռք բերել ցանկացած տեղեկություն, սակայն, տվյալների հավաքագրումը համակարգված չէ. դրանք չեն վերածվում բովանդակության և որոշումների: Հսկայական քանակի տեղեկատվության հանդեպ թերագնահատողական այս վերաբերմունքը բերում է որոշակի հետևանքների. վերջին տարվա ընթացքում տեղի ունեցան տվյալների աննախադեպ քանակի արտահոսքեր, որոնց մի մասը կարող է ուղղակիորեն օգտագործվել Հայաստանի դեմ»: