«Մարդամեջ» ՍՆՀ-ի նպատակն է նպաստել ՀՀ-ում տեղի ունեցող բարեփոխումների (սոցիալական, տեղական իշխանությունների հզորացման, թափանցիկության և հաշվետվողականության) գործընթացի մասին տեղեկատվության և հանրային մասնակցության բարձրացմանը, այնպիսի խնդիրների վերհանմանը, որոնց լուծումը հնարավոր կլինի տալ օնլայն կամ օֆլայն միջոցներով:
Եվրասիա համագործակցություն հիմնադրամը (ԵՀՀ) փետրվարի 17-ին լրատվամիջոցներ ներկայացնող մասնագետների համար կազմակերպում է «Ինչպե՞ս լուսաբանել մարդու իրավունքներին և խտրականությանը վերաբերող թեմաները մամուլում» մեկօրյա դասընթաց: Դասընթացը տեղի կունենա ԵՀՀ գրասենյակում: Լեզուն հայերեն է, աշխատանքային մակարդակի անգլերենի իմացությունը կգնահատվի որպես առավելություն։ Դասընթացի ընթացքում կքննարկվեն խտրականության դեմ պայքարին ուղղված «Հավասարության մասին» (պայմանական վերնագիր) ՀՀ օրենքի նախագծի ընդունման գործընթացում լրատվամիջոցների հնարավոր դերն ու պատրաստվածության հարցերը` Եվրոպական միություն-Հայաստան հարաբերությունների լույսի ներքո, խտրականություն հասկացությունը, տեսակներն ու կանխարգելման միջոցները, ինչպես նաև խմբային աշխատանքների միջոցով կձևավորվեն խտրականությանը վերաբերող թեմաները լուսաբանելիս գործնական հմտություններ:
Եվրասիա համագործակցություն հիմնադրամը (ԵՀՀ), Զարգացման համայնքային կենտրոն (նախկին Աջակցություն Նոյեմբերյանին) ՀԿ-ի և ԵՀՀ Հյուսիսային մասնաճյուղի հետ համատեղ «ՀԿ Դեպո» Հասարակական կազմակերպությունների զարգացման ծրագրի շրջանակներում Քաղաքացիական հասարակության կազմակերպություններին (ՔՀԿ) հրավիրում է մասնակցելու «Ինչպես հայթայթել ռեսուրսներ և կազմել մրցունակ ծրագրեր» թեմայով գործնական դասընթացին, որը տեղի կունենա փետրվարի 7-8-ը Տավուշի մարզում:
«Բազմազանություն Միավորող Հավատը» կարճամետրաժ ֆիլմի հեղինակներ Սոնա Քոչարյանը և Հովհաննես Իշխանյանը հոկտեմբերի 27-ին Եվրասիա համագործակցություն հիմնադրամի կողմից իրականացվող լավագույն լրագրողական նյութերի ամենամյա մրցանակաբաշխության մրցանակակիրներից են։ Մրցանակաբաշխության նպատակն է խթանել կրոնական հանդուրժողականության, խաղաղ համակեցության և բազմազանության վերաբերյալ հավասարակշռված և զգայուն լրագրողական լուսաբանումը:
Եվրասիա համագործակցություն հիմնադրամը (ԵՀՀ) փետրվարի 9-10-ին ակտիվ երիտասարդների, ուսանողների և քաղաքացիական խմբերի ներկայացուցիչների համար կազմակերպում է երկօրյա դասընթաց ՄԱԿ-ի մարդու իրավունքների մեխանիզմների մասին և քաղաքացիական հասարակությանը հասանելի գործիքներից օգտվելու վերաբերյալ: Դասընթացը կազմակերպվում է ՄԱԿ-ի Մարդու իրավունքների գերագույն հանձնակատարի գրասենյակի աջակցությամբ:
Տեղական ինքնակառավարման ոլորտի բարեփոխումների և հանրային մասնակցության մեխանիզմների կիրառման միջազգային փորձը ուսումնասիրելու նպատակով ՀաՄաՏեղ ծրագրի համընկերության ներկայացուցիչները սեպտեմբերի 12-15–ին մեկնել էին Էստոնիա, որտեղ մի շարք հանդիպումների և այցելությունների միջոցով փորձել էին պատկերացում կազմել էստոնական փորձի հաջողված դեպքերի և Հայաստանում դրանց կիրառելիության մասին։