ՀՀ Մշակույթի նախարարության ֆինանսական աջակցությամբ 2019թ. «Հազարաշեն» Ազգաբանական հետազոտությունների հայկական կենտրոնը և Եվրասիա համագործակցության հիմնադրամը սկսեցին ««20-րդ դարի Հայաստանի բանավոր պատմությունների հավաքագրում և հանրայնացում» ծրագիրը»՝ խնդիր ունենալով մի կողմից գրանցել Խորհրդային Հայաստանի մասին Խորհրդային Հայաստանում ապրած մարդկանց մասնավոր հիշողություններն իրենց ապրած կյանքի մասին, մյուս կողմից գրանցել և հանրայնացնել 20-րդ դարի Հայաստանի ոչ նյութական մշակութային ժառանգությունը: Սույն էլեկտրոնային գրքում հրատարակվում են գրանցված պատմություններից միայն 24-ը, որից 15-ը՝ երևանաբնակների, 9-ը՝ Կոտայքի, Արմավիրի և Արարատի մարզերի բնակիչների: Հիմքում դրված են անհատների կենսագրական պատումները: Պատմություններում խորհրդային անցյալով հետաքրքրվողները և վերլուծաբանները նյութեր կգտնեն ընտանեկան, ազգակցական, համայնքային, հասարակական հարաբերությունների, աշխատանքի, աշխատավճարի, ժամանցի, ծեսերի, տոների, կրոնական մշակույթի, ուտեստի, ամուսնությունների, հարսանիքի, Խորհրդային Հայաստանում հասարակության մշակութային հաղորդակցման, Երևանի կենտրոնի կառուցապատման և առհասարակ «կենտրոն» հասկացության և այլն, ինչպես նաև «Երևանի քաղաքային մշակույթ» հասկացության ընկալումների մասին: Մասնավոր կենսագրություններում հաճախ են երևում ստալինյան շրջանի քաղաքական բռնությունների ենթարկվածների մասին հիշողություններ, ինչպես նաև բռնությունների զոհերի սեփական կենսագրություններ:
Հրանտ Մաթևոսյանի 85-ամյակի առթիվ գրող, հրապարակախոս Գևորգ Տեր-Գաբրիելյանը և Հայկ Համբարձումյանը Շողակաթի եթերում զրուցում են մաթևոսյանական արձակի, վերջերս հրատարակված անտիպների մասին, ինչպես նաև անդրարձ են կատարում Գևորգ Տեր-Գաբրիելյանի «Հրանտ» և Հայկ Համբարձումյանի «Ոչ մի շաբաթ առանց Մաթևոսյանի» գրքերին։
Հետազոտության համահեղինակ, ազգագրագետ Արսեն Հակոբյանը Շողակաթի հյուրն է, որտեղ մանրամասնում է համակեցության գաղափարախոսական, կենցաղային, մշակութային առանձնահատկությունների մասին։
2020 թ․փետրվարի 8-ին Հայաստանի նկարիչների միության սրահում բացվեց «Հետևանքը՝ արտեֆակտ» ցուցահանդեսը: Նույն օրը Մոսկվա կինոթատրոնում տեղի ունեցավ համանուն ֆիլմի փակ ցուցադրությունը:
ԵՀՀ տնօրեն Գևորգ Տեր-Գաբրիելյանը Պետրոս Ղազարյանի հյուրն էր։ Դիտեք հարցազրույցն ամբողջությամբ այս տեղանյութում։
«Մարդ չպիտի ինքն իրեն պարգևավճար դուրս գրի ճիշտ նույն կերպ, ինչպես որ սահմանադրական դատարանի կազմը չպիտի ինքն իր ճակատագրի վերաբերյալ հարց քննարկի։ Մենք շահերի բախման հասարակություն ենք, ծայրե ի ծայր վարակված շահերի բախումով։ Տարիներ առաջ մենք ստեղծել ենք մի դասագիրք և դրա առնչությամբ մի հետազոտություն արեցինք։ Պարզվեց, որ դեռ հին իշխանության ժամանակ, դա մի յոթ տարի առաջ էր երևի, գերատեսչությունների աշխատակիցների մեծ մասը, իսկ մենք հարցազրույցներ անցկացրեցինք յոթ-ութ գերատեսչության-նախարարության հետ, տեղյակ չեն, թե ինչ է նշանակում «շահերի բախում»։ Նրանք կարծում են, որ շահերի բախում է, երբ իմ և ձեր միջև է շահերը բախվում։ Շահերի բախումը այն է, երբ մարդու ներսում է շահերը բախվում․ ինքը պիտի արդար որոշում ընդունի, բայց այդ արդար որոշումը վերաբերվում է իր սուբյեկտիվ շահին կամ իր մտերիմին», - 1in.am-ի եթերում ասում է ԵՀՀ գլխավոր տնօրեն Գևորգ Տեր-Գաբրիելյանը։