Կոնֆլիկտների տրանսֆորմացիայի դպրոցը ինձ համար եղավ այն հարթակը, որի միջոցով ես սկսեցի լիովին այլ կերպ մտածել ժամանակակից միջազգային հարաբերություններում առկա խնդիրների և կոնֆլիկտային իրադրությունների մասին: Դպրոցը նոր հարթակ էր ինձ համար խորացնելու և զարգացնելու այն բոլոր գիտելիքները, որոնք ձեռք եմ բերել համալսարանում ուսանելու տարիներին:

 Կոնֆլիկտների տրանսֆորմացիայի դպրոցը ամբողջովին հեղափոխեց իմ մտածելակերպը կապված կոնֆլիկտ հասկացության հետ: Մասնագետների հանգամանալից և խորը դասընթացից հետո իմ մտածելակերպը փոխվեց: Այժմ ես սկսել եմ ավելի քննադատորեն նայել շրջապատող աշխարհին: Մասնավորապես ես սկսել եմ ավելի ավելի անաչառ նայել մեր տարածաշրջանում առկա կոնֆլիկտներին և սկսել եմ դիտարկել շահագրգռված երկու կողմերի տեսակետերը, որը ինձ հնարավորություն է տալիս ավելի հեշտորեն կողմնորոշվել առկա զարգացումներում:

Կոնֆլիկտների տրանսֆորմացիայի դպրոցը ինձ համար՝ որպես միջազգայնագետի, շատ լավ հարթակ էր նոր բացահայտումներ կատարելու միջազգային վեճերի կարգավորման կամ տրանսֆորմացիայի մասին: Նաև շատ հետաքրքիր էր իմանալ, թե ինչ է կոնֆլիկտի տրանսֆորմացիան, մինչ այդ ես, անգամ, պատկերացում չունեի՝ ինչ է կոնֆլիկտի տրանսֆորմացիան կամ ինչպես է այն լինում:

ԵՀՀ փորձնակ Նարեկ Ղազարյան