Այս թվականին տեղի ունեցավ ապրիլյան ոչ բռնի հեղափոխությունը: Հաշվի առնելով նախորդ տարիների համատարած կոռուպցիոն պետական համակարգի ոչ էֆեկտիվությունը, ժողովրդավարության բացակայությունը, ռեֆորմների մասնակի և հաճախ անհետևանք բնույթը, ԵՀՀ-ն մասնակցեց ժողովրդական և երիտասարդական շարժմանը, հավատալով, որ փոփոխությունները կօգնեն Հայաստանին դուրս գալու զարգացման նոր ուղեծիր: Նոր կառավարության ստեղծման օրից ԵՀՀ-ն, իր ծրագրերի սահմաններում, ձեռնարկեց մի շարք գործողություններ, որոնց նպատակն էր՝ օգնել նոր կառավարությանը ստեղծել ավելի էֆեկտիվ պետական համակարգ, բարեփոխել պետական ինստիտուտները: ԵՀՀ-ն մասնակից դարձավ կառավարության կողմից ստեղծվող տարբեր խորհրդակցական շրջանակներին՝ գերատեսչություններին և կառավարությանը կից: 2018 թ. օգոստոսին ԵՀՀ-ն կազմակերպեց խոշոր միջոցառում՝ նվիրված նոր կառավարության և քաղաքացիական հասարակության երկխոսությանը, մի քանի քննարկում-հաղորդում կազմակերպեց այն մասին, թե ինչպես պիտի իրագործվի բարեփոխումը կազմակերպությունում, մասնավորապես՝ պետական սեկտորում:
Հեղափոխությունը կարիք ստեղծեց քաղաքացիական հասարակությանը՝ ճշտելու իր դիրքորոշումը և մարտավարությունները նոր իրադրության մեջ, և նոր հնարավորություններ ստեղծեց նոր ձեռնարկումների համար: Պայմաններ ստեղծվեցին ավելի արդյունավետ համագործակցության՝ քաղաքացիական հասարակության, մասնավորապես՝ ԵՀՀ-ի և նրա շահառուների, և կառավարության միջև: ԵՀՀ-ն իր գործունեության ընթացքում առաջին անգամ դրամաշնորհ ստացավ Հայաստանի կառավարությունից՝ 20-րդ դարի Երևանի վերաբերյալ բանավոր պատմությունները որպես ոչ նյութական մշակույթ հավաքագրելու ծրագրով, «Հազարաշեն» կազմակերպության հետ միասին: Մեկ այլ ծրագիր հասցեագրեց գրքերի վաճառքի և տարածման խնդիրները Հայաստանում:
Միևնույն ժամանակ, շատ բացեր, որոնք կուտակվել էին նախորդ ժամանակներից, է՛լ ավելի հստակորեն դրսևորեցին իրենց, կարիք ստեղծելով նորովի հասցեագրել ռեֆորմների օրակարգը և անելու ձևը:
Նյութի վերջին խմբագրումը․ 26 հունիս, 2021