Ծրագրի ղեկավար կազմակերպություն՝ Հելսինկյան քաղաքացիական ասամբլեայի հայկական կոմիտե
Գործընկեր կազմակերպություն՝ Եվրասիա համագործակցության հիմնադրամ
Ֆինանսավորում՝ Կանանց խաղաղության և մարդասիրական հիմնադրամ (WPHF) - Արագ արձագանքման պատուհան
Տևողություն՝ 2025թ․ հոկտեմբեր - 2026թ․ մարտ
Համայնքներ՝ Գորիս, Վայք, Եղեգնաձոր, Ջերմուկ, Իջևան, Նոյեմբերյան, Բերդ
«Կանայք՝ հանուն խաղաղության և անվտանգության» նախագծի նպատակն է աջակցել Հայաստանի սահմանամերձ համայնքներում ապրող կանանց՝ ակտիվորեն ներգրավվելու և առաջնորդական դեր ստանձնելու խաղաղության ու անվտանգության գործընթացներում՝ ՄԱԿ ԱԽ 1325 բանաձևի («Կանայք, խաղաղություն և անվտանգություն») և դրա տեղայնացման վերաբերյալ նրանց ընկալումներն ու կարողությունները խորացնելու միջոցով։ Գիտելիքների, առաջնորդական հմտությունների զարգացման և քաղաքացիական ակտիվության խթանման միջոցով նախագիծը հնարավորություն կտա, որ սահմանամերձ համայքների կանանց տեսակետները, կարիքներն ու առաջարկությունները լսելի լինեն և ինտեգրվեն հետկոնֆլիկտային շրջանի քաղաքականությունների ձևավորման գործընթացում։ Նախագծի արդյունքում կմշակվի խաղաղաշինական գործընթացում կանանց ազդեցությունն ընդլայնելուն ուղղված առաջարկությունների փաթեթ, որը կարող է մեթոդապես կիրառելի լինել ազգային ու տեղական դերակատարների կողմից և ապահովել կանանց իրական մասնակցությունը քաղաքականությունների մշակման և տեղական նախաձեռնությունների իրականացման մեջ։
Նախագծի հիմնական բաղադրիչները
- Համայնքային հանդիպումներ, կարիքների գնահատում և խորհրդակցություններ ՀՀ սահմանամերձ վեց համայնքներում։
- Եռօրյա ուսումնական այց Երևան ընտրված 24 մասնակիցների համար, ներառյալ՝
- Հանդիպումներ ՀՀ կառավարության և միջազգային կառույցների համապատասխան ստորաբաժանումների (ԱԳՆ, ՄԱԿ գրասենյակ, EUMA), ինչպես նաև տեղական ՀԿ-ների և փորձագետների հետ
- Խաղաղաշինության գործընթացներին նպաստող կարողությունների ամրապնդման դասընթացներ
- Տեղական մակարդակում կանանց դերն ու ազդեցությունը խթանող գործողությունների մշակում
- Մշակված գործողությունների պլանի ներկայացում ու քննարկում վեց համայնքներում՝ տեղի բնակիչների լայն շրջանակի ընդգրկմամբ
- Առաջարկությունների փաթեթի մշակում ու ներկայացում ազգային, տեղական ու միջազգային դերակատարներին
Ակնկալվող արդյունքներ
- Սահմանամերձ համայնքների կանանց միջև ակտիվ և արդյունավետ հաղորդակցություն և համագործակցություն
- Կանանց իմաստալից ներգրավվածություն ու մասնակցություն խաղաղաշինության և անվտանգության գործընթացներում տեղական մակարդակում
- Առաջարկությունների փաթեթ, որն կամփոփի համայնքային հանդիպումների արդյունքները և կներկայացնի խաղաղաշինական գործընթացնեորւմ հանրային և հատկապես կանանց մասնակցությունը խթանող կիրառելի մեթոդաբանություն