Քննադատական մտածողության դպրոց. մասնակցության հրավեր (փակված է)

CrTS

 

EU_EPF_Logos

 

Քննադատական մտածողության դպրոց. մասնակցության հրավեր

Եվրասիա համագործակցություն հիմնադրամը (ԵՀՀ), «Ռեստարտ» գիտակրթական բարեգործական հիմնադրամը և Հետազոտական ռեսուրսների կովկասյան կենտրոն-Հայաստան հիմնադրամը (ՀՌԿԿ) հրավիրում են 18-25 տարեկան երիտասարդներին մասնակցելու կրթության հիմնահարցերին նվիրված «Քննադատական մտածողության դպրոց»-ին, որը տեղի կունենա ս.թ. մայիսի 18-ից 20-ը, Երևանում, ԵՀՀ գրասենյակում։ Դասընթացի հիմքում դրված են քննադատական մտածողության և տեղեկատվական հոսքերի վերլուծական հմտությունների զարգացման հիմունքները։

Դպրոցի ընթացքում մասնակիցները հնարավորություն կստանան ծանոթանալու քննադատական մտածողության մեթոդաբանությանը, ձևավորելու տեքստի վերլուծության, տվյալների ճշգրտման և կեղծ տեղեկատվության բացահայտման հմտություններ։ Դասընթացի ժամանակ առանցքային նշանակություն կտրվի կրթական հիմնախնդիրների, ուսանողական ժողովրդավարության հիմունքների քննարկմանը և բուհերի կառավարման գործում ուսանողների ներգրավման հարցերին։ Դասընթացի մեթոդաբանությունը մասնակցային է և ընդգրկում է սեմինարներ, ինտերակտիվ քննարկումներ, գործնական աշխատանք։ Քննադատական մտածողության դպրոցի մասին կարճ տեսանյութը կարող եք դիտել այս հղումով։

Դպրոցի խնդիրներն են․

  • Խթանել քննադատական մտածողության զարգացումը և վերլուծական հմտությունների ձևավորումը՝ ավելի գիտակից մեդիա սպառող դառնալու համար։
  • Տրամադրել համապատասխան գիտելիքներ ինֆորմացիոն հոսքերում ճիշտ կողմնորոշվելու համար։
  • Անդրադառնալ Հայաստանի բուհական համակարգում ուսանողական ժողովրդավարության հարցերին, խոչընդոտներին և հնարավորություններին։                

Դիմելու կարգը

Մասնակցել ցանկացողները (18-25 տարեկան) պիտի մինչև ս.թ. մայիսի 10-ն ուղարկեն ինքնակենսագրական (CV) Անահիտ Խաչատրյանին՝ էլ. հասցեով՝ վերնագրելով էլ. նամակը «Քննադատական մտածողության դպրոց. Դիմորդի Անուն Ազգանուն» և լրացնել առցանց հայտը:

Դպրոցի հետ կապված հարցերի դեպքում, խնդրում ենք գրել Անահիտ Խաչատրյանին՝ [email protected]  էլ. հասցեով։

Մասնակցության պայմանները

Մասնակցությունը դասընթացին անվճար է, մարզերից ժամանող մասնակիցների կեցության, ինչպես նաև ճանապարհային ծախսերը հոգում է ԵՀՀ-ն։ Դասընթացի տևողությունն է երեք աշխատանքային օր (10:00-19:00): Դասընթացին ամբողջությամբ մասնակցելը պարտադիր է: Դասընթացի ամբողջ ընթացքին մասնակցած երիտասարդները կստանան հավաստագրեր:

***

Այս դպրոցն իրականացվում է «ԵՄ-ն հանուն երիտասարդների․ Ուսանողական ժողովրդավարություն հիմա» ծրագրի շրջանակներում` Եվրոպական միության ֆինանսական աջակցությամբ: Ծրագիրը  համատեղ իրականացնում են Եվրասիա համագործակցություն հիմնադրամը, «Ռեստարտ» գիտակրթական բարեգործական հիմնադրամը («Ռեստարտ» հիմնադրամ) և Հետազոտական ռեսուրսների կովկասյան կենտրոն-Հայաստան հիմնադրամը (ՀՌԿԿ-Հայաստան)։