Այս գիրքը բացահայտում է Գետառ գետի կարևոր նշանակությունը Երևան քաղաքի սոցիալական և ուրբանիստական հիշողության ձևավորման գործում: Գետն ուսումնասիրվում է տարբեր մեթոդների և գիտակարգերի միջոցով (մարդաբանություն, ուրբանիզմ, բնապահպանություն և այլն): Համագործակցելով ճարտարապետների, լուսանկարիչների և նկարազարդողների հետ՝ գրքի հեղինակները ի հայտ են բերում Գետառի գեոպոետիկան և հիդրոպոետիկան, ինչպես նաև ստեղծում գետի ուրույն վիզուալ պատկերը: Հարուստ և ինքնատիպ վիզուալ նյութերից զատ հրատարակությունը ներառում է քաղաքացիների հուշերն ու բանավոր պատմությունները, որոնցում Գետառը շարունակում է մնալ քաղաքի ինքնության կարևոր մասը:
