Հետազոտությունը նվիրված է Արցախյան 44-օրյա պատերազմի նկարագրությանը՝ մշակութային մարդաբանության տեսանկյունից։ Դրա հիմքում ընկած են պատերազմի մասնակիցների բանավոր պատմությունները, որոնց միջոցով ներկայացվում է պատերազմի նկարագրությունը մասնակիցների տեսանկյունից, պատերազմի ապրումը, վախերը, բարոյական ընկալումներն ու հետևանքներն այն ապրած մարդու վրա։ Գիրքը նախատեսված է հասարակական և հումանիտար ոլորտների մասնագետների և, ընդհանրապես, խնդրով հետաքրքրված ընթերցողի համար։
