Մարտունի Ինֆոտունը «Մեդիան քաղաքացիների տեղեկացված մասնակցության համար» ծրագրի շրջանակներում անցկացնում է երկօրյա դասընթաց «Ինչպես ստեղծել որակյալ տեքստեր» թեմայով։ Դասընթացի նպատակն է զարգացնել մասնակիցների տեքստ գրելու հմտությունները: Դասընթացի մասնակիցները հնարավորություն կունենան վերլուծական և քննադատական հմտությունների զարգացմանը զուգահեռ զարգացնել որակյալ տեքստեր գրելու իրենց հմտությունները:
Գրող, արձակագիր Գևորգ Տեր-Գաբրիելյանը գրականագետ Արքմենիկ Նիկողոսյանի հյուրն էր։ Գևորգն ու Արքմենիկը զրուցել են «Հրանտը» գրքի մասին։ Զրույցն ամբողջությամբ կարող եք լսել կից ձայնագրությունում։
«Համայնքների ֆինանսիստների միավորում» հասարակական կազմակերպությունը Եվրասիա համագործակցություն հիմնադրամի և Տեղեկատվական համակարգերի զարգացման և վերապատրաստման կենտրոնի հետ համատեղ ԱՄՆ ՄԶԳ կողմից ֆինանսավորվող «Հանրային մասնակցություն տեղական ինքնակառավարմանը» ծրագրի շրջանակներում սկսում է «Տեղական ժողովրդավարության դպրոց»-ի տարածքային (մարզային) վեցօրյա դասընթացների իրականացման շարքը։ Առաջին դասընթացները կազմակերպվելու են ՀՀ Սյունիքի և Վայոց ձորի մարզերում։
Եվրասիա համագործակցություն հիմնադրամը «Քաղաքացիական հասարակության ներուժի օգտագործումը կառավարման համակարգի բարեփոխումներում» ծրագրի շրջանակներում հայտարարում է հասարակության մեջ առկա բռնության, դրա առաջացման վրա ազդող գործոնների, պատճառների, դրսևորման ձևերի և օրինաչափությունների ուսումնասիրմանն ու վերհանմանն ուղղված ուսումնասիրություններ իրականացնելու հայտերի ընդունում։
Հայաստանում Բուլղարիայի Հանրապետության դեսպանության աջակցությամբ ԵՀՀ-ն նախաձեռնել է Հայաստանում եզդի աղջիկների հանրային մասնակցության խթանմանն ուղղված նախագիծ։ Նախագծի նպատակներից մեկն է, որակական հետազոտություն իրականացնելու միջոցով, ավելի խորը պատկերացում կազմել Հայաստանում բնակվող ազգությամբ եզդի աղջիկների իրավունքին և հնարավորություններին առնչվող խնդիրների վերաբերյալ։