Վարուժան Ավանեսյան
Վարուժան Ավանեսյանը միացել է ԵՀՀ աշխատակազմին 2014թ.-ին որպես «Մեդիան քաղաքացիների տեղեկացված մասնակցության համար» ծրագրի ղեկավար։
Նա ունի 20 տարվա մասնագիտական աշխատանքային փորձ համայնքային մոբիլիզացման, քաղաքացիական հասարակության զարգացման, մեծահասակների կրթության, թրեյներների ուսուցման և վերապատրաստման ոլորտում: Մինչ ԵՀՀ թիմի անդամ դառնալը, Վարուժանն աշխատել է Քաունթերփարթ ինթերնեշնլում, որպես համայնքների ռազմավարական զարգացման գծով ավագ խորհրդական, Դվվ Ինթերնեյշնլում (Գերմանիայի Ժողովրդական Բարձրագույն Դպրոցների Միության) ՝ հայաստանյան մասնաճյուղի փոխտնօրեն, ԱՄՆ ՄԶԳ ֆինանսավորմամբ գործող և Էմերջինգ Մարքեթս Գրուպ կազմակերպության կողմից իրականացվող ԱԱՊԲ ծրագում՝ որպես հանրային կրթության մասնագետ:
ԵՀՀ ում նրա հիմնական պարտականությունները ներառում են` տարեկան, ընթացիկ գործողությունների պլանների և կատարողական գնահատման համակարգի մշակումը, ծրագրի իրականացման հետ կապված փաստաթղթերի, կատարողական գնահատման համակարգին համաձայն միջանկյալ և վերջնական բովանդակային հաշվետվությունների, ընթացիկ հուշագրերի, պայմանագրերի պատրաստումը, թիրախային լրատվամիջոցների համար դրամաշնորհային մրցույթների կազմակերպումն ու իրականացումը, ինչպես նաև ծրագրի ամբողջ ընթացքի համակարգումը: Որպես «Մեդիան քաղաքացիների տեղեկացված մասնակցության համար» ծրագրի ղեկավար Վարուժանը նաև ներգրաված է լայնածավալ հրապարակային միջոցառումների կազմակերպման գործընթացում, այդ թվում տեղական գործընկերների և հրավիրված մասնագետների հետ միասին թրեյնինգների, սեմինարների, մարզերում սոցիալական նորարարության ճամբարների կազմակերպումը:
Վարուժան Ավանեսյանը Երևանի պետական լեզվաբանական համալսարանի ասպիրանտ է, ավարտել է Երևանի Թատերական արվեստի պետական ինստիտուտը՝ ստանալով դրամատիկական թատրոնի և կինոյի դերասանի, խոսքի վարպետության մասնագետի որակավորում: Որպես Հայաստանի քաղաքացիական կրթության ուսումնական ծրագրի մշակման և զարգացման խմբի անդամ, սովորել է ԱՄՆ-ի Մասաչուսեթս նահանգում գնտվող Ամհերստի Վերապատրաստման և Զարգացման Ինստիտուտում: Մի շարք վերապատրաստման, ուսումնական և մեթոդական ձեռնարկների համահեղինակ է: Համագործակցում է մի շարք վերապատրաստող կազմակերպպությունների հետ որպես ծրագրերի նախագծման և կառավարման, մոնիթորինգի և գնահատման, ինչպես նաև ուսումնական ծրագրերի մշակման ոլորտի անկախ թրեյներ:
Վարուժան Ավանեսյանը ՀԿ Դեպո փորձագետ է