Հայկական բարեգործական ընդհանուր միությունը և

Եվրասիա համագործակցություն հիմնադրամը

հրավիրում են

Գենդերային հարցերով զբաղվող և այդ ոլորտում Շիրակի, Լոռիի և Տավուշի մարզերում աշխատող ՔՀԿ-ներին մասնակցել

կարողությունների զարգացման եռօրյա դասընթացի

Հոկտեմբեր 11-13, 2019 թ.

 

Դասընթացը նախատեսված է քաղաքացիական հասարակության Շիրակի, Լոռիի և Տավուշի մարզերի այն կազմակերպությունների (ՔՀԿ) կարողությունների զարգացմանը, որոնց  գործունեության ոլորտում գենդերային հավասարության դրույթների լուսաբանումը, կանանց հզորացման հիմնահարցերը զգալի նշանակություն ունեն։ Կարող են մասնակցել նշված ՔՀԿ–ների ներկայացուցիչները՝ ղեկավարներ և ծրագրի համակարգողներ։

ՔՀԿ-ներին կներկայացվեն Հայաստանի Հանրապետությունում իրականացվող գենդերային քաղաքականությունը, այդ ուղղությամբ իրականացված սոցիոլոգիական հետազոտությունների արդյունքները: Դասընթացի ժամանակ կխոսվի ՀՀ-ում հասարակական-քաղաքական գործընթացներին կանանց և տղամարդկանց մասնակցության համեմատական բնութագրի ու դինամիկայի, այդ գործընթացներին կանանց լիարժեք մասնակցությանը նպաստող կամ խոչընդոտող սոցիալական, տնտեսական, քաղաքական, կրթական, բարոյահոգեբանական և այլ գործոնների մասին։

Կքննարկվեն Հայաստանի Հանրապետությունում գենդերային հիմնահարցերը, դրանց լուծմանն ուղղված ռազմավարությունները, մեթոդները: Կներկայացվեն գործնական օրինակներ. ինչպես ինտեգրել գենդերին վերաբերող հարցերը ծրագրային գործունեության մեջ, ինպես նաև կանանց մասնակցայնության հզորացման լավագույն միջազգային փորձի օրինակներ։

Դիմորդները պետք է՝

• լինեն Շիրակի, Լոռիի և Տավուշի մարզերի գրանցված ՔՀԿ-ների ներկայացուցիչներ,
• հասկանան կազմակերպության կարիքները կարողությունների զարգացման համար և մոտիվացված լինեն այդ կարիքները լրացնելու համար:

Ինչպես դիմել՝

Դիմումի ձևը պետք է ուղարկել հետևյալ էլեկտրոնային հասցեին՝ [email protected]  

Նամակի առարկան պետք է նշել՝ “Gender CSOs Training”_(ձեր կազմակերպության անվանումը անգլերենով կամ լատինատառ):

Փաթեթի ներկայացման վերջնաժամկետն է 2019 թ. հոկտեմբերի 6-ը:

Տեխնիկական տեղեկատվություն

• Մասնակիցների թիվը սահմանափակ է՝ 20 մասնակից: Մասնակիցները կընտրվեն ՔՀ Կամուրջ ծրագրի աշխատակիցների կողմից:
• Դասընթացին մասնակցությունը անվճար է։
• Կազմակերպիչները կփոխհատուցեն նշված մարզերից ընտրված մասնակիցների տրանսպորտային, սննդի ու կացության ծախսերը։
• Դասընթացը կանցկացվի անգլերեն լեզվով, որը կուղեկցվի թարգմանությամբ: 
• Նախնական ընտրված դիմորդները կտեղեկացվեն դասընթացի անցկացման վայրի և այլ կազմակերպչական հարցերի վերաբերյալ։
• Նախնական ընտրված դիմորդները պետք է կարողանան մասնակցել սեմինարի երեք օրերին:
• Նախնական ընտրված դիմորդները պետք է համաձայնվեն մասնակցել սեմինարի գիտելիքների նախնական և հետդասընթացային գնահատումներին:

Հարցերի և պարզաբանումների համար խնդրում ենք զանգահարել ԵՀՀ ծրագրի ղեկավար` Փիրուզե Մանուկյանին, հեռ. 091-23-73-80:

ՔՀ Կամուրջ ծրագրի մասին

Հայկական Բարեգործական Ընդհանուր Միությունը (ՀԲԸՄ) Եվրասիա համագործակցություն հիմնադրամի (ԵՀՀ) հետ իրականացնում է Եվրոպական միության կողմից ֆինանսավորվող ՔՀ Կամուրջ ծրագիրը: Եռամյա այս ծրագիրը մեկնարկել է 2016 թվականի դեկտեմբերին: Ծրագիրն ուղղված է Հայաստանում գրանցված և գործող հասարակական կազմակերպություններին, հայաստանյան համալսարաններին, ինչպես նաև սփյուռքի երիտասարդ մասնագետներին, ովքեր իրենց գիտելիքներով և փորձառությամբ կցանկանան նպաստել հայաստանյան կազմակերպությունների կարողությունների զարգացմանը:

Ծրագրի նպատակն է ամրապնդել հայաստանյան քաղաքացիական հասարակության կարողությունները` նպաստելու Հայաստանում որոշումների կայացման գործընթացներին: Այս նպատակին հասնելու համար, ծրագիրը նախատեսում է`

• Կատարել մինչև 200 ՔՀԿ-ների մասնագիտական ոլորտներին առնչվող (ուղղահայաց) կարիքների գնահատում՝ քարտեզագրելով ՔՀԿ-ների կարողությունները և կարիքները։
• Առաջարկել մինչև 80 ՔՀԿ-ներից 200 անձանց անհատական վերապատրաստման դասընթացներ։
• Ապահովել մասնագիտական խորհրդատվություն մինչև 80 ՔՀԿ-ների՝ անվճար հիմունքներով հրավիրելով մասնագետներ սփյուռքից և Հայաստանից։
• Ինստիտուցիոնալացնել կարողությունների հզորացումը՝ գործարկելով ՀԿ կառավարման ակադեմիական հավաստագրային ծրագիր։
• Տրամադրել դրամաշնորհներ՝ ՔՀԿ-ների փոքր նախագծերը իրականացնելու նպատակով։
• Together4armenia առցանց հարթակի զարգացում:

Մանրամասն ծրագրի մասին՝ այստեղ: Ծրագրի ՔՀԿ-ների ցանցում գրանցվելու համար ահա հղումները՝ www.agbu.am/am/bridge-for-csos/3024-bridge-for-csos-announcement-for-registration.