Իզաբելլա Սարգսյան

Isabella Sargsyan

Իզաբելլա Սարգսյան

Ծրագրի տնօրեն

Իզաբելլա Սարգսյանը 15 տարվա աշխատանքային փորձ ունի ծրագրերի կառավարման և կազմակերպական հաղորդակցության բնագավառներում։ Նրա մասնագիտացման հիմնական ոլորտներն են՝ մարդու իրավունքների տեսություն և պրակտիկա, կոնֆլիկտների տրանսֆորմացիա, որակական հետազոտություններ և տվյալների վերլուծություն։

Իզաբելլան  փորձառու դասընթացավար և խորհրդատու է, նա ծառայություններ է մատուցել բազմաթիվ միջազգային, ռեգիոնալ և տեղական կազմակերպությունների, այդ թվում՝ Եվրոպայի Խորհուրդ, ԵԱՀԿ/ԺՄԻԳ, ՄԱԿ Կանայք, ՍՈՍ Մանկական գյուղեր, Սեյֆերվորլդ, CARE Կովկաս և այլն։ Որպես ԵԱՀԿ/ԺՄԻԳ կրոնի և դավանանքի ոլորտի մասնագետ նա դասընթացներ է անցկացրել Տաջիկստանի և Ղրղզստանի կառավարությունների, կրոնական կազմակերպությունների և ՀԿ-ների ներկայացուցիչների համար։

Իզաբելլան զգալի փորձ ունի կազմակերպական հաղորդակցության բնագավառում։ Հաղորդակցությունն ընկալելով որպես առաջնային խնդիր կազմակերպական զարգացման ոլորտում՝ նա բազմաթիվ  տեղական առևտրային և ոչ առևտրային կազմակերպությունների համար խորհրդատվական ծառայություններ է մատուցել։ Իզաբելլայի հետաքրքրության շրջանակն ընդգրկում է նաև ժամանակակից տեխնոլոգիաների ձեռքբերումների օգտագործումը հասարակական կազմակերութունների, սոցիալական խմբերի ու քաղաքացիական շարժումների հաղորդակցության բարելավման նպատակով։ Իզաբելլան հանդիսացել է մի քանի հաղորդումների համահեղինակ և վարող։ Նա Media.am կայքի հեղինակներից է։

Իզաբելլա Սարգսյանը սոցիոլոգիայի և մարդու իրավունքների մագիստրոսի կոչում է ստացել Լոնդոնի տնտեսագիտության և քաղաքագիտության դպրոցից 2006-ին, 2007-2008 թթ. եղել է Հենրիխ Բյոլի հիմնադրամի կրթաթոշակառու՝ իրականացվելով հետազոտություն կրոնի սոցիոլոգիայի ոլորտում։ Իզաբելլան մի քանի հոդվածների, հետազոտությունների և կրթական ձեռնարկների հեղինակ և/կամ խմբագիր է։ Նա «Հելսինկյան քաղաքացիական ասամբլեա» միջազգային ցանցի անդամ է, ինչպես նաև Հայաստանից գենդերային հարցերի թղթակից «Գլոբալ համագործակցություն հանուն զինված կոնֆլիկտների կանխարգելման» ցանցում։

Իզաբելլա Սարգսյանը ԵՀՀ-ի թիմին միացել է 2008 թվականին։

Իզաբելլա Սարգսյանը ՀԿ Դեպո փորձագետ է